Trajneri i Juventusit, Maurizio Sarri, i lavdëroi tre golashënuesit – Cristiano Ronaldon, Paulo Dybalan dhe Douglas Costan – për aftësitë e tyre individuale, që, sipas Sarrit, ia dhuruan bardhezinjve fitoren kundër Genoas.

Supergolat e shënuara nga Ronaldo, Dybala dhe Costa bënë që Juventusi të kalojë me katër pikë epërsi në krye të tabelës së Serisë A, pas fitores të së martës me rezultat 3:1 kundër Genoas.

Dybala e zhbllokoi rezultatin e ndeshjes me një gol të bukur individual në minutën e 50-të të ndeshjes, ndërsa Ronaldo e dyfishoi epërsinë gjatë minuta më vonë përmes një goditjeje të bukur nga largësia.

Costa, i cili hyri në lojë nga stoli, pastaj e çoi rezultatin në 3:1 përmes një goli po ashtu të bukur. Këto gola bënë që Sarri t’ua japë meritën për fitore aftësive fenomenale të lojtarëve.

“Në pjesën e dytë ne e morëm epërsinë falë lojtarëve tanë sepse ne shënuam gola nga tri aksione të mrekullueshme përmes tre lojtarëve të shkëlqyeshëm”, ka thënë Sarri.

“Supergoli individual i Dybalas, gjuajtja e mrekullueshme e Ronaldo, e mrekullueshme shkaku i saktësisë dhe fuqisë, dhe prekja e jashtëzakonshme nga Douglas Costa…”

“Kështu ne e zgjidhëm ndeshjen, falë individëve dhe aftësive fenomenale të tyre”.